ტრენინგის მეცხრე დღე

     გავიარე  ტრენინგი  -- ,, პროექტებით სწავლება’’, რომელსაც უძღვებოდა  ტრენერი  --  დიანა  მიქაძე .

     დიდი ინტერესით ველოდი ტრენინგის დაწყებას.  გამართლდა ჩემი მოლოდინი.  გაიარა  დატვირთულმა 9 დღემ.

      მეტად  საინტერესო იყო ყოველი დღე ,   სიახლეებით დატვირთული , ტრენერის მაღალი პროფესიონალიზმით  წარმართული.

      ტრენინგმა საშუალება მომცა , უფრო ეფექტურად წარვმართო მუშაობა მოსწავლეებთან, განვუვითარო მაღალი დონის სააზროვნო უნარები,  გავზარდო  მოსწავლეთა  ჩართულობა  სასწავლო პროცესში;  შევისწავლე, როგორ შევქმნა მოსწავლეებთან ერთად  ტექნოლოგიებით გამდიდრებული  სასწავლო პროექტები , რომლებიც დაეხმარება  მათ სასწავლო სტანდარტის მიღწევაში , 21-ე საუკუნის უნარ-ჩვევების  განვითარებაში.

        ამ ტრენინგის  გავლის შემდეგ შევძლებ , დავისახო  სასწავლ მიზანი ,  გამოვავლინო  სტანდარტით განსაზღვრული შედეგები, რომელთა მიღწევაც მსურს -- დავგეგმო მოსწავლეზე ორიენტირებული მიმდინარე  შეფასებები.  დავხვეწო სტანდარტების მიზნებისა  და მიმართულებების მიმცემი საკვანძო  კითხვები  სასწავლო პროექტებისთვის.   შევასწავლო მოსწავლეებს ინტერნეტის  უსაფრთხოდ და პასუხისმგებლობით გამოყენება  , დავგეგმო  და შევქმნა მოსწავლის   პრეზენტაციები, პუბლიკაციები , ვიკისა და ბლოგის ნიმუშები  კონკრეტული  სასწავლო მიზნებისთვის.

        გავეცანი და შევისწავლე , თუ როგორ გამოვიყენო რუბრიკები, ქულების მინიჭების სქემები , ჩეკლისტები  შინაარსის  ათვისების, 21-ე საუკუნისა  და მაღალი დონის სააზროვნო უნარების განვითარებისთვის  ჩენს პროექტზე მუშაობისას.  შევისწავლეთ , როგორ  შევიმუშავო პროექტის შეფასების ფორმები გარკვეული თემისათვის განკუთვნილი  შემაჯამებელი შეფასების შსაქმნელად.

      გავეცანი შეფასების რუბრიკებს, რომელიც დამეხმარება  , როგორ გავაუმჯობესო  მოსწავლის  ნაშრომი და შეფასების სტრატეგიები.  ეს საშუალებას მომცემს შევუწყო ხელი  მოსწავლეებს, რათა ისინი იქცნენ თვითრეგულირებად მასწავლებლებად.  ასევე  დავაკმაყოფილო მათი  განსხვავებული საჭიროებები.

          სასწავლო  პროექტის პორტფოლიოს ჩვენებაში შევისწავლე  , როგორ მო0ვამზადო და წარმოვადგინო ჩემი ნამუშევრები ეფექტურად, როგორ გავუზიარო  ჩემს კოლეგებს  კონსტრუქციული უკუკავშირი.

        ყოველივე  ამის შემდეგ თამამად შემიძლია ვთქვა, რომ   უდიდესი დამსახურება მიუძღვის ტრენერს  --  დიანა მიქაძეს  , რომელიც გამოირჩევა კომუნიკაბელურობით , მაღალი პროფესიონალიზმით;  აქვს  მეთოდურად დახვეწილი  მიდგომები,  გადმოცემისა  და სწავლების განსაკუთრებული ნორმები.

   დიდი მადლობა ტრენერს  -- დიანა მიქაძეს  , გაწეული მუშაობისთვის. სასიამოვნოა მასთან თანამშრომლობა!